Semasa tinggal dikampong ayer, untuk pergi keBandar Seri Begawan adalah terlalu mudah, maklum sajalah Bandar Seri Begwan cuma diseberang saja. Jadi jika dibandingkan dengan sekarang ani, kadang - kadang untuk turun kebandar seri begawan pun sudah jarang kadang - kadang dalam seminggu pun jarang kan turun kebandar seri begawan jika dibandingkan dengan dulu.
Masa dulu, zaman remaja balik saja sekolah, bandar adalah merupakan distinasi yang akan dituju, bukan apa saja kan jalan- jalan. Ia tah siuknya tu masa tinggal dikampong ayer. Bila dikenang- kenang pun kadang - kadang terasa jua kerinduan masa remaja dan tinggal kenangan saja, yang mana kenangan ani tah yang akan diceritakan untuk anak2.
Water Taxi atau perahu tambang bayarannya untuk kesebarang kebandar seri begawan seorang 50sen saja, jadi dulu2 atu kalau kan kebandar saja walaupun inda beduit cukup tah seringgit saja cukup2 tambang perahu saja. Ia tah siuknya tu, walaupun tinggal didarat sekarang ani kemudahannya banyak dan lebih mudah inda payah angkut bukut macam tinggal dikampong ayer dulu. Kalau dulu especially kan hari raya, membeli barang terpaksa tah angkut bukut tu, lepas atu cari parking lagi yang payahnya,ia tah ganya kesusahannya tinggal dikampong ayer tu, tapi sungguh macam atu siuk bah jua, pasal KEhidupan dikampong ayer atu meriah bah masa atu, inda taulah masa ani.
No comments:
Post a Comment